Операторын сургалт

Компани байгуулагдсан цагаас эхлэн иргэдийг уул уурхайн чиглэлээр мэргэшүүлж, ажлын байраар хангах, ажилтнуудынхаа мэргэжлийн ур чадварыг сайжруулах, хувь хүний ерөнхий ур чадварыг нэмэгдүүлэх, байгууллагын соёлыг төлөвшүүлэх сургалтуудыг тогтмол зохион байгуулсаар ирсэн. Энэ хугацаанд орон нутгийн 1,800 гаруй залуусыг Ухаа худаг уурхайд Хүнд машин механизмын чиглэлээр мэргэшүүлэн сургаж, ажлын байраар хангасан байна. 2025 онд Хүнд машин механизмын операторын сургалтад нийт 198 хүн хамрагдан амжилттай төгссөн. Харин Хүнд машин механизмын засварчны сургалтад нийт 18 хүн амжилттай суралцан төгсжээ. Энэхүү сургалтын онцлог нь суралцагчид Хөдөлмөр, нийгмийн хамгааллын яамнаас олгодог чадамжийн гэрчилгээтэй болж, зөвхөн Монголдоо төдийгүй дэлхийн хаана ч ажиллах боломжтой болдогт оршиж байна.