Монголын уул уурхайн салбарын тэргүүлэгч 8 аж ахуйн нэгж Хариуцлагатай уул уурхайн сайн дурын кодекс-т нэгдэж, Монголын уул уурхайн үндэсний ассоциаци, Уул уурхай, хүнд үйлдвэрийн яамтай харилцан ойлголцлын санамж бичигт гарын үсэг зурлаа.

Аяны хүрээнд компаниудын хариуцлагыг үндсэн таван багц зорилтод хуваан үнэлэх юм. Үүнд, Хөдөлмөрийн харилцаа ба хөдөлмөрлөх эрх, Хөдөлмөрийн аюулгүй байдал ба эрүүл мэнд, Байгаль орчны хамгаалал, Орон нутгийн хөгжил ба олон нийтийн оролцоо гэсэн чиглэлүүд багтаж байна. Түүнчлэн, хариуцлагатай уул уурхайн сайн жишгүүдийг уул уурхайн салбарт даган мөрдөж, бодитой төлөвшүүлэх, улмаар салбарын тогтвортой хөгжлийн төлөө хамтран ажиллана.

Одоогийн байдлаар энэхүү санаачилгад Энержи Ресурс ХХК, Эрдэнэт үйлдвэр ТӨҮГ, Оюу Толгой ХХК, Багануур ХХК, Аспайр Майнинг ХХК, Саусгоби Сэндс ХХК, Терра Энержи ХХК компаниуд нэгдээд байгаа юм. Цаашид бусад уул уурхайн компаниуд энэхүү санаачилгыг дэмжин, хариуцлагаар нэгдэж, Хариуцлагагүй уул уурхайд үгүй гэж хэлэх, Монголын уул уурхайн салбарт Хариуцлагыг төлөвшүүлэхийн төлөө хамтран ажиллах боломж нээлттэй юм.