Энержи ресурс компани улсын их, дээд сургуулиудад суралцаж буй, Өмнөговь аймгийн харьяат нийт 90 оюутанд сургалтын тэтгэлэг олгодог. Тэтгэлэгт оюутнууд нэгдэж, Менталнэртэй клуб байгуулан, үйл ажиллагаа явуулах болжээ.

Оюутны клуб анхны арга хэмжээгээ Монголын ирээдүй оюутны өнөөдрөөс сэдэвт илтгэлийн уралдаанаар эхэлсэн байна. Оюутан залуусын илтгэх ур чадварыг сайжруулах, өөрийгөө илэрхийлэх боломжийг нээхэд нь тусалж, дэмжих зорилготой энэхүү уралдааны эхний шалгаруулалтанд 60 гаруй бүтээл ирсэн байна. МУИС, ШУТИС-ийн салбар сургуулиуд, МУБИС-ийн оюутнууд сүүлчийн шалгаруулалтандөрсөлдөж, эх орныхоо ирээдүйн хөгжилд оруулах хувь нэмрийн талаар санал бодлоо уралдуулсан юм.

Оюутан залуусын сайн дурын санаачлагаар байгуулагдсан энэ клубын үйл ажиллагааг цаашид Энержи Ресурс компани дэмжинсанхүүжүүлэх аж. Тухайлбал тус компанийн чадварлаг менежерүүд Ментал клубтэй хамтран оюутан залууст сурч мэдсэн зүйлээ хэрхэн капитал болгох, хөдөлмөрийн зах зээлийн шаардлага, чиг хандлагыг хэрхэн таньж мэдэх зэрэг олон сонирхолтой сэдвээр лекц уншиж мэдээлэл өгөхөөр төлөвлөөд байгаа юм байна.