Монголын Үндэсний Худалдаа Аж Үйлдвэрийн Танхимын Энтрепренёр шалгаруулалтын Онцлох 10 аж ахуйн нэгжид Энержи Ресурс компани 10 дахь жилдээ дараалан шалгарч, Монгол Улсын тэргүүлэгч аж ахуйн нэгжийн байр сууриа дахин баталгаажууллаа.

2019 оны шалгаруулалтад бид улс орны нийгэм, эдийн засагт оруулсан хувь нэмрээр Эрдэнэт үйлдвэр, Оюутолгой компанийн араас ТОП 3-т жагсаад байна. Улиран одож буй онд бид Монгол Улсынхаа төсөвт 231.7 тэрбум төгрөгийн татвар, хураамжийн орлого оруулснаас гадна 200 орчим ажлын байр шинээр бий болгож, нийгмийн хариуцлагын томоохон төсөл хөтөлбөрүүдийг хэрэгжүүлж ажиллажээ.

Мөн ажиллагсдынхаа ажил, амьдралын нөхцлийг сайжруулах, уурхайн дагалдах дэд бүтцийг сайжруулах, үйл ажиллагаа явуулдаг Өмнөговь аймаг, Цогтцэций сумын хөгжилд бодитой хувь нэмэр оруулах ажлууд үргэлжлэн явагдлаа.

Энтрепренёр нь тухайн жилд улсын эдийн засаг, нийгмийн хөгжилд хамгийн том хувь нэмэр оруулж, шинийг санаачилсан аж ахуйн нэгжүүдийг нэрлэн урамшуулдаг, жил тутмын шалгаруулалт билээ.