Монгол Улсын Засгийн газар, Монголын Үндэсний Худалдаа Аж Үйлдвэрийн Танхимаас жил бүр Монгол Улсын эдийн засагт оруулж буй хувь нэмрээр ТОП 100 аж ахуйн нэгжийг эрэмбэлэн жагсаадаг.

Энержи Ресурс компани 2021 онд Монгол Улсын нийгэм, эдийн засагт хамгийн өндөр хувь нэмэр оруулсан аж ахуйн нэгжийн эхний аравт дахин шалгарсан батламжаа өнөөдөр албан ёсоор хүлээн авлаа.

Үүнд, 2021 оны борлуулалт, татвар төлөлт, нийгмийн даатгалд хамруулсан ажиллагсдын тоо зэрэг гол үзүүлэлтүүдээр ТОП 10-т жагссанаар, ийнхүү хувийн хэвшлийн тэргүүлэгч аж ахуйн нэгжийн байр сууриа хадгалсан байна.  Манай компанийн хувьд 2010 оноос хойш ТОП-100 ААН-ээр нийт есөн удаа шалгарснаас тогтмол эхний аравт  эрэмбэлэгдэж байжээ.

Хэдийгээр цар тахлын хүндрэлтэй, амаргүй жил байсан ч бид  2021 онд нийт 184 сая ам.долларын борлуулалт хийж, 132 тэрбум төгрөгийн татвар хураамжийг улсад төлснөөс гадна 2,000 орчим ажилтныг шууд ажлын байраар хангажээ.  Мөн нийгмийн хариуцлагын шинж чанартай төсөл, хөтөлбөрүүдэд нийт 20 гаруй тэрбум төгрөгийн хөрөнгө оруулалт хийсэн байна.