Бид Монголын Уул Уурхайн Үндэсний Ассоциацийн “Хариуцлагатай уул уурхайн кодекс”-ийн дагуу байгаль орчин, нийгэм, орон нутаг, засаглалын ажлууддаа жил бүр өөрийн үнэлгээг хийж, гурван жил тутамд хөндлөнгийн баталгаажуулалт хийлгэдэг билээ.

Тус кодексийн хүрээнд 2024 оны үйл ажиллагаандаа өөрийн үнэлгээг хийж, 91.6%-ийн хэрэгжилттэй байгааг нээлттэй тайлагналаа. 

Энержи Ресурс ХХК нь 2019 онд “Хариуцлагаар Нэгд” аянд нэгдэн, харилцан ойлголцлын санамж бичигт гарын үсэг зурснаар уг кодексийг хэрэгжүүлж эхэлсэн Монголын уул уурхайн анхдагч 8 компанийн нэг болсон юм. 

“Хариуцлагатай уул уурхайн кодекс” нь хариуцлагатай уул уурхайн 8 зарчимд тулгуурласан бөгөөд 5 үндсэн чиглэл, 84 шалгуур үзүүлэлттэй. Энержи Ресурс ХХК нь 2024 оны үйл ажиллагааныхаа хүрээнд нийт 77 шалгуур үзүүлэлтийг амжилттай хэрэгжүүлж, дараах байдлаар үнэлэгдсэн байна:

Компанийн сайн засаглал ба ил тод байдал: 17/17

Хөдөлмөрийн харилцаа ба хүний эрх: 17/19

Хөдөлмөрийн эрүүл мэнд ба аюулгүй байдал: 13/13

Байгаль орчны хамгаалал: 16/18

Орон нутгийн хөгжил ба олон нийтийн оролцоо: 14/17

2025 онд бид уг үзүүлэлтүүдээ улам сайжруулж, хариуцлагатай уул уурхайн жишиг үйл ажиллагааг хэрэгжүүлэхээр ажиллаж байна.